Crime News: पोलीसांनी टाकला घरावर छापा, बांगलादेशी जेरबंद

Navi Mumbai News: कोपरखैरणेतील खैरणे गावात बेकायदा वास्तव्यास असलेल्या तीन बांगलादेशींना कोपरखैरणे पोलिसांनी अटक केली आहे. पकडण्यात आलेले बांगलादेशी एका बांधकाम साईटवर काम करत असल्याची माहिती तपासातून समोर आली आहे.

कोपरखैरणेतील खैरणे गावात काही बांगलादेशी बेकायदा वास्तव्यास असल्याची माहिती कोपरखैरणे पोलिसांना मिळाली होती. या माहितीच्या आधारे मंगळवारी (ता. ३०) रात्री खैरणे गावातील तलावालगत मशिदीजवळ असलेल्या घरावर छापा मारण्यात आला होता.

या कारवाईत पोलिसांनी जशीन शेख (३०), तोहिन मुल्ला (२९) तसेच दिपू हवालदार (३३) यांना ताब्यात घेतले होते. बांगलादेशातील उपासमारीला कंटाळून त्यांनी भारतात प्रवेश केल्याची कबुली दिली आहे. त्यामुळे कोपरखैरणे पोलिसांनी पारपत्र अधिनियम १९२० तसेच विदेशी व्यक्ती अधिनियमाखाली कारवाई केली आहे.