कल्याण लोकसभेत २५९ मतदारांचे गृहमतदान

कल्याण, ता. ११ (वार्ताहर) : लोकसभा निवडणुकीत मतदानाची टक्केवारी वाढावी; तसेच ८५ वर्षांपेक्षा अधिक वयाचे मतदार आणि दिव्यांग व्यक्तींनाही सुलभरितीने मतदान करता यावे, यासाठी भारत निवडणूक आयोगाने गृहमतदानाची सुविधा उपलब्ध कऐन दिली आहे. कल्याण लोकसभा मतदार संघातील सहा विधानसभा मतदारसंघात शुक्रवारी (ता. १०) ८५ वर्षांहून अधिक वयाचे २१५ मतदार आणि ४४ दिव्यागांनी आपला मतदानाचा हक्क बजावला.