अंबरनाथ ब्लॉक काँग्रेस अध्यक्षपदी कृष्णा रसाळ-पाटील

अंबरनाथ, ता. १५ (बातमीदार) : अंबरनाथ ब्लॉक काँग्रेस कमिटी अध्यक्षपदी ॲड. कृष्णा रसाळ पाटील यांची नियुक्ती करण्यात आली आहे. ठाणे जिल्हा ग्रामीण काँग्रेस अध्यक्ष दयानंद चोरघे यांच्या शिफारशीनुसार काँग्रेस प्रदेशाध्यक्ष नानाभाऊ पटोले यांनी ॲड. पाटील यांची अध्यक्षपदी नियुक्ती केली. जिल्हाध्यक्ष चोरघे यांनी नुकतेच पाटील यांना नियुक्तीचे पत्र सुपूर्द केले. भाजपच्या माजी नगरसेविका आणि बांधकाम समिती सभापती करुणा रसाळ पाटील आणि भाजयुमोचे पूर्व शहराध्यक्ष रोहन रसाळ पाटील यांनीही काँग्रेसमध्ये प्रवेश केला. येत्या लोकसभा निवडणुकीत महायुतीच्या उमेदवार दरेकर यांच्या प्रचार कार्याला प्राधान्य देणार असून, निवडणुकीनंतर पक्षांच्या वरिष्ठांशी चर्चा करून शहरात पक्ष संघटना वाढीसाठी प्रयत्न करणार असल्याचे पाटील या वेळी म्हणाले.