धावत्या लोकलमधून प्रवाशांच्या उड्या

सकाळ वृत्तसेवा
मुंबई, ता. ६ : भायखळा रेल्वे स्थानकांवर अचानक धूर पसरल्याने घाबरलेल्या प्रवाशांनी फलाटावर उड्या मारल्याची घटना घडली. या घटनेत कोणतीही जीवितहानी झालेली नाही; परंतु स्थानकांवर धूर कशामुळे आला, हे अस्पष्ट आहे.
सीएसएमटीवरून ४.३० वाजताची मार्गस्थ झालेली ठाणे लोकल भायखळा स्थानकातील फलाट क्रमांक एकवर आली. त्यापूर्वीच फलाटावर सर्वत्र धूर पसरला होता. काही कळण्यापूर्वीच लोकल निर्धारित वेळेत मार्गस्थ झाल्याने घाबरलेल्या प्रवांशांनी आरडाओरडा सुरी केली. लोकलला आग लागल्याच्या शंकेने अनेकांनी जीव मुठीत घेत थेट फलाटावरच उडी घेतली. त्यानंतर लोकल थांबवण्यात आली. या वेळी रेल्वे पोलिसांनी घटनास्थळी धाव घेत परिस्थिती नियंत्रणात आणली. मात्र, स्थानकांवर धूर कशामुळे आला, याचे कारण अद्याप स्पष्ट नाही. महत्त्वाचे म्हणजे फलाट क्रमांक ३ वरून रेल्वेचे डिझेल इंजिन गेल्यामुळे हा धूर झाल्याचे बोलण्यात येत आहे.