म्हाडाची घरे सर्वसामान्यांच्या आवाक्याबाहेर

म्हाडाची घरे सर्वसामान्यांच्या आवाक्याबाहेर

सकाळ वृत्तसेवा
मुंबई, ता. ५ : सर्वसामान्यांच्या घराचे स्वप्न पूर्ण करणाऱ्या म्हाडाने आता मध्यम आणि उच्च उत्पन्न गटातील नागरिकांसाठी खासगी विकासकांप्रमाणे सुविधांनी परिपूर्ण घरे बांधली आहेत. स्वीमिंग पूल, क्लब हाऊस, पोडियम पार्किंग अशा हायफाय सुविधा असलेला म्हाडाचा हा पहिलाच प्रकल्प असून अलिशान घरांची विक्री एक कोटी १० लाख ते एक कोटी ४० लाखांना होणार आहे.
म्हाडातर्फे गोरेगावच्या प्रेमनगर येथे ३९ मजली टॉवर उभारण्याचे काम सुरू आहे. आतापर्यंत या टॉवरच्या २९ मजल्यांचे काम पूर्ण झाले आहे. यात मध्यम उत्पन्न गटासाठी सुमारे ८०० चौरस फुटांची २२७, तर उच्च उत्पन्न गटासाठी सुमारे १००० चौरस फुटांचे १०५ फ्लॅट असणार आहेत. सुरुवातीला मार्च २०२५ पर्यंत हा प्रकल्प पूर्ण करण्याचे उद्दिष्ट म्हाडाने आखले होते, मात्र कामाने पकडलेला वेग पाहता वर्षाअखेरीस हे काम पूर्ण होण्याची शक्यता आहे. त्यामुळे जुलैअखेरीस म्हाडाकडून मुंबईतील सुमारे १,९०० घरांसाठी जाहिरात प्रसिद्ध होणार आहे.
-----------------------------------------
किमतींमध्ये फेरबदलाची शक्यता
मध्यम उत्पन्न गटातील घराची किंमत एक कोटी १० लाख, तर उच्च उत्पन्न गटातील घरांच्या किमती एक कोटी ४० लाखांच्या दरम्यान असतील, अशी माहिती म्हाडाच्या एका वरिष्ठ अधिकाऱ्याने दिली, पण प्रत्यक्ष लॉटरीच्या वेळी या घरांच्या किमती कमी-जास्त होऊ शकतात, असेही त्यांनी सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com