पिता-पुत्राची लोकलखाली आत्महत्या

नालासोपारा (बातमीदार) : भाईंदर रेल्वे स्थानकाजवळ पिता-पुत्राने लोकलखाली आत्महत्या केली होती. याप्रकरणाची वसई लोहमार्ग पोलिस ठाण्यात नोंद करण्यात आली असून आत्महत्येचे कारण अद्याप स्पष्ट झालेले नाही.
वसई पूर्व एव्हरशाईन परिसरातील हरीश मेहता (वय ६५), जय मेहता (वय ३२) हे दोघे सोमवारी (ता. ८) सकाळी अकराच्या सुमारास भाईंदर रेल्वे स्थानकात उतरल्याचे सीसीटीव्ही कॅमेऱ्यात दिसत आहे. भाईंदर रेल्वे स्थानकातील फलाट क्रमांक ६ वरून दोघे जण चर्चगेटच्या दिशेने गेले. या वेळी लोकल येताच दोघेपण ट्रॅकवर झोपल्याचे दिसून आले. त्यामुळे मोटरमनला त्यांना वाचवण्याची संधी मिळाली नाही.