कळव्यात बेकायदा अग्निशस्त्र बाळगणाऱ्या तरुणाला अटक,

शस्त्र बाळगणाऱ्या तरुणाला अटक
कळवा (बातमीदार) : कळवा परिसरात शस्त्र व चाकू घेऊन फिरणाऱ्या तरुणाला पोलिसांनी अटक केली. तुषार राहुल सक्सेना (वय १९) असे त्याचे नाव आहे. सहकार विद्यालयाच्या परिसरात तुषार हा फिरत असल्याची माहिती कळवा पोलिसांना मिळाली होती. त्यानुसार पोलिसांनी सापळा रचून तुषार याला ताब्यात घेतले. त्याची झडती घेतली असता त्याच्याजवळ एक पिस्तूल व स्टीलचा धारदार चाकू सापडला. पोलिसांनी त्याच्याकडील शस्त्र जप्त करीत दुचाकीही ताब्यात घेतली.