राज्यात पर्यटन वाढीला प्रोत्साहन

सकाळ न्यूज नेटवर्क
मुंबई, ता.२९ ः वसई येथे नवे स्थानक होणार असून मुंबईत दररोज २०० रेल्वे फेऱ्या सुरु होणार असल्याचा निर्णय रेल्वेमंत्री अश्विनी वैष्णव यांनी आज जाहीर केला. या निर्णयाबद्दल उपमुख्यमंत्री देवेंद्र फडणवीस यांनी त्यांचे आभार मानले. केंद्रीय पर्यटन खात्याने महाराष्ट्रातील विविध योजनांसाठी निधी दिला. सिंधुदुर्गात सबमरीन म्युझियम तसेच नाशिक परिसरातील राम सर्किट टुरिझमचाही समावेश असल्याचे केंद्रीय पर्यटनमंत्री गजेंद्रसिंग शेखावत यांनी सांगितले.