रेल्वे अपघातात तरुणाचा मृत्यू

रेल्वे अपघातात तरुणाचा मृत्यू

उल्हासनगर, ता. ९ (बातमीदार) ः उल्हासनगर व अंबरनाथच्या दरम्यान उल्हासनगरातील एका २५ वर्षीय तरुणाचा रेल्वे अपघातात मृत्यू झाल्याची घटना घडली. रोहित मगर असे मृत्युमुखी पडलेल्या अविवाहित तरुणाचे नाव असून, तो सम्राट अशोकनगरमध्ये राहत होता. रोहित मंगळवारी (ता. ८) उल्हासनगरात येण्यासाठी अंबरनाथवरून लोकलने प्रवास करत होता. त्या वेळी कानसई एमपी गेटसमोर लोकलमधून पडून त्याचा मृत्यू झाला. रात्री ११ वाजण्याच्या सुमारास रोहितवर अंतिम संस्कार करण्यात आले. याप्रकरणी कल्याण लोहमार्ग पोलिस ठाण्यात अकस्मात मृत्यूची नोंद करण्यात आली आहे.