जिल्हा परिषदेच्या शाळांना सौरऊर्जा

टोकावडे, ता.२७ (बातमीदार)ः मुरबाड तालुक्यातील जिल्हा परिषदेच्या तीन शाळांना सोलर किलचे वाटप करण्यात आले आहे. यामुळे शाळांची वाढीव वीज देयकांची सुटका झाली आहे.
जिल्हा परिषद शाळेचे संजय उंबरे यांच्या प्रयत्नातून, डॉ. राहुल चौधरी यांच्यामार्फत उत्तर क्षेत्रीय महिला संच, घाटकोपर व स्पंदन फाउंडेशन अंबरनाथ यांच्या सौजन्याने मानिवलीपाडा, मानिवली, चिमणीचीवाडी शाळांना सोलार किट देण्यात आले आहे. या सोलार किटमध्ये दोन सोलार प्लेट, एक ईन्व्हर्टर व एक बॅटरी असा संच आहे. या सुविधेमुळे वाढीव वीज देयकांच्या समस्येतून शाळांची सुटका झाली आहे. शाळेतील पंखे, उपकरणे सुरु राहिल्याने विद्यार्थ्यांची गुणवत्ता वाढणार आहे. याप्रसंगी घाटकोपर येथील डॉ. पुष्पा सिंग, सरपंच नामदेव कडव, समाजसेवक सागर कडव उपस्थित होते.
---------------------------------------------
स्पंदन फाउंडेशनचा पुढाकार
स्पंदन फाऊंडेशनमार्फत हजारो विद्यार्थ्यांना, स्कूलबॅग, वह्या, लेखन साहित्य, बूट, गणवेश, रेनकोट, खेळाचे साहित्य, संगणक, प्रोजेक्टर तसेच पाणीटंचाईग्रस्त गावांना वाॅटरव्हिल, शाळांना सोलार किट, कपाट, स्वच्छतागृह बांधणी यांची मदत मिळत असल्याने मुरबाडमधील शाळांमधील विद्यार्थ्यांची गुणवत्ता वाढण्यास मदत झाली आहे.