झाड कोसळल्याने श्रीवर्धन येथे वीज पुरवठा खंडित

झाड कोसळल्याने श्रीवर्धन येथे वीजपुरवठा खंडित
श्रीवर्धन, ता. २२ (वार्ताहर) ः झाड कोसळल्याने श्रीवर्धन येथे वीजपुरवठा खंडित झाला होता. तालुक्‍यात मुसळधार पावसामुळे जनजीवन विस्कळित झाले आहे. वादळी वाऱ्यामुळे ओजाळे पाखाडी येथे शुक्रवारी (ता. २०) सायंकाळी आंब्याचे झाड विद्युत वाहिन्यांवर कोसळले. या वेळी विद्युत वाहिन्यांच्या पाच खांबांचेही नुकसान झाले. या घटनेमुळे श्रीवर्धन येथे पाच तास वीजपुरवठा खंडित झाला होता. तर ओजाळे पाखाडी येथील वीजपुरवठा सुरळीत होण्यासाठी नऊ तासांचा कालावधी लागला. हमरस्त्यावर झाड कोसळल्याने वाहतूक खोळंबली होती.