दुचाकीचालकांना हेल्मेटचे वाटप

किन्हवली (बातमीदार)ः समाजसेवक बबन हरणे यांच्या वाढदिवसानिमित्त कळगाव-चिंचवली-ठिले ग्रामपंचायतचे उपसरपंच ॲड. जयेश घरत यांनी शंभर दुचाकीचालकांना हेल्मेटचे वाटप केले. या वेळी चालकांना हेल्मेट वापराचे फायदे समजावून सांगितले. रस्ते अपघातात डोक्याला हेल्मेटअभावी मृत्यू होण्याच्या अनेक घटना होत असतात. त्यामुळे ही संकल्पना राबवली असून, एखाद्याचा जीव वाचला तरी आमच्या प्रयत्नांना यश येईल, असे उपसरपंच जयेश घरत यांनी या वेळी सांगितले. या वेळी सुनील घरत, अमित घरत, जगदीश घरत, नीलेश घरत, अविनाश घरत, नीलेश विशे उपस्थित होते.