पाणजू येथे रक्तदान शिबिर संपन्न

पाणजू येथे रक्तदान शिबिर संपन्न
विरार, ता. २४ (बातमीदार)ः पाणजू गावातील अचानक कला, क्रीडा व सांस्कृतिक मंडळाने नायर रुग्णालय रक्तपेढी मुंबईच्या सहकार्याने रक्तदान शिबिर आयोजित केले. या शिबिरामध्ये एकूण ५६ रक्तदात्यांनी रक्तदान केले.
रक्तदान शिबिराचे उद्‍घाटन डॉ. विपुल भोईर यांच्या हस्ते झाले. कार्यक्रमास प्रमुख पाहुणे शिवछत्रपती समाजसेवा मंडळाचे अध्यक्ष किरण म्हात्रे, माजी अध्यक्ष विद्याधर म्हात्रे, संचालक मेघनाथ पाटील, डॉ. संजना, डॉ. शिरीष, उपसरपंच दिलीप भोईर, वसई प्रगतीचे संचालक देवेंद्र भोईर, ॲड. मच्छिंद्र भोईर, ज्येष्ठ सभासद यशवंत भोईर, मधुकर भोईर, गंगाधर भगत, किसन म्हात्रे, गणेश भोईर उपस्थित होते. मंडळाकडून पाहुण्यांचे पुष्पगुच्छ देऊन स्वागत केले.
प्रत्येक रक्तदात्याला भेटवस्तू गणेश पाटकर (किर्ती इंटरप्राईजेस), अचानक मंडळ व अल्पोहार अरुणा भरत पाटील यांच्याकडून देण्यात आले. कार्यक्रम यशस्वी होण्यासाठी मंडळाचे अध्यक्ष हेमंत पाटील, कोषाध्यक्ष किरण भोईर, जगेश, नितीन, प्रवीण भगत, धनेश, भूषण, भारत, विकी, सेहवाग यांसह सर्व कार्यकर्त्यांनी विशेष मेहनत घेतली.