‘डॉ. बाबासाहेब आंबेडकर थॉट्स’ विषयावर पदविका

‘डॉ. बाबासाहेब आंबेडकर थॉट्स’ विषयावर पदविका

Published on

तुर्भे, ता. २६ (बातमीदार) : मुंबई विद्यापीठाच्या माध्यमातून डॉ. बाबासाहेबांच्या विचारांचा पदविकेच्या माध्यमातून अभ्यास करता येणार आहे. नवी मुंबई महापालिकेच्या ऐरोली सेक्टर-१५ येथील भारतरत्न डॉ. बाबासाहेब आंबेडकर स्मारकात ‘डॉ. बाबासाहेब आंबेडकर थॉट्स’ या विषयावर पदव्युत्तर पदवीनंतरचा एक वर्षाचा पदविका अभ्यासक्रम १ जुलैपासून सुरू होत आहे.
सामाजिक न्यायदिनाच्या पूर्वसंध्येला नवी मुंबई महापालिका भारतरत्न डॉ. बाबासाहेब आंबेडकर स्मारक आणि मुंबई विद्यापीठ यांच्यामध्ये पदविका अभ्यासक्रम सुरू करण्याचा सामंजस्य करार झाला. महापालिकेचे डॉ. आंबेडकर स्मारक हे तेथे सातत्याने होणाऱ्या विविध उपक्रमांमुळे ‘ज्ञानस्मारक’ म्हणून नावाजले जात आहे. या स्मारकातून बाबासाहेबांच्या ग्रंथवाचनाप्रमाणेच युवा अभ्यासकही तयार व्हावेत या भूमिकेतून नवी मुंबई महापालिका आयुक्त डॉ. कैलास शिंदे यांच्या संकल्पनेतून ‘डॉ. बाबासाहेब आंबेडकर थॉट्स’ या विषयावर पदव्युत्तर पदवीनंतरचा एक वर्षाचा पदविका अभ्यासक्रम सुरू करण्याबाबतचा सामंजस्य करार मुंबई विद्यापीठासोबत राजर्षी छत्रपती शाहू महाराज जयंतीदिनाच्या पूर्वसंध्येला मुंबई विद्यापीठाच्या सभागृहात करण्यात आला. नवी मुंबई महापालिकेच्या वतीने आयुक्त डॉ. कैलास शिंदे व मुंबई विद्यापीठाच्या वतीने कुलगुरू डॉ. रवींद्र कुलकर्णी यांनी या सामंजस्य करारावर स्वाक्षऱ्या केल्या.
या वेळी अतिरिक्त आयुक्त सुनील पवार, शहर अभियंता शिरीष आरदवाड, भारतरत्न डॉ. बाबासाहेब आंबेडकर स्मारकाच्या विभागप्रमुख उपायुक्त संघरत्ना खिल्लारे, स्मारकाच्या सल्लागार संध्या अंबादे, मुंबई विद्यापीठाचे उपकुलपती प्राचार्य डॉ. अजय भामरे, निबंधक डॉ. प्रकाश कारंडे, डॉ. बाबासाहेब आंबेडकर आंतरराष्ट्रीय संशोधन केंद्र मुंबई विद्यापीठाच्या विभागप्रमुख डॉ. मनीषा करणे यांच्यासह इतर मान्यवर उपस्थित होते.
------------------
पाली भाषा अभ्यासक्रमही सुरू करणार
पदविका अभ्यासक्रम ही एक सुरुवात असून, यापुढील काळात सामाजिक न्याय, पाली भाषा व अशा प्रकारचे इतरही अभ्यासक्रम या ठिकाणी सुरू करण्यात येतील, असे मुंबई विद्यापीठाचे कुलगुरू डॉ. रवींद्र कुलकर्णी यांनी सांगितले. लवकरच स्मारकामध्ये मुंबई विद्यापीठाच्या सहयोगाने संशोधन केंद्र सुरू करण्याचा मानस त्यांनी व्यक्त केला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com