खड्ड्यातील पाण्यात बुडून तीन मुलांचा मृत्यू

पाण्यात बुडून तीन मुलांचा मृत्यू
तारापूर, ता. २७ (बातमीदार) : बोईसरमध्ये मोकळ्या जागेतील खड्ड्यातील पाण्यात पोहण्यासाठी गेलेल्या चारपैकी तीन मुलांचा बुडून मृत्यू झाला, तर एका मुलाला वाचवण्यात यश आले आहे. मृतांमध्ये एकाच कुटुंबातील दोन सख्ख्या भावांचा समावेश आहे.
गणेशनगर परिसरातील झोपडपट्टीत राहणारी चार शाळकरी मुले शुक्रवारी (ता. २७) दुपारच्या सुमारास भिंत ओलांडून घराच्या पाठीमागे असलेल्या मोकळ्या जागेतील पाण्याने भरलेल्या खड्ड्यात पोहण्यासाठी गेले होते. यापैकी तीन अल्पवयीन शाळकरी मुलांचा बुडून मृत्यू झाला. एका मुलाला पाण्याबाहेर निघण्यास यश मिळाले. या घटनेची माहिती मिळताच बोईसर पोलिस आणि तारापूर अग्निशमन दलाच्या जवानांनी घटनास्थळी पोहोचून खड्ड्याने भरलेल्या पाण्यातून तिनही मुलांचे मृतदेह बाहेर काढून वैद्यकीय तपासणीसाठी बोईसर ग्रामीण रुग्णालयात पाठवण्यात आले.