साडेपाच लाख मुलांनी घेतला उन्हाळी शिबिराचा आनंद

अलिबाग, ता. २९ : पी अँड जी इंडियाने आणि प्रथम एज्युकेशन फाउंडेशनच्या सहयोगाने रायगड, पुणे व सातारा जिल्ह्यातील वंचित मुलांसाठी कॉम्बाइंड ॲक्टिव्हिटिज फॉर मॅक्सिमाइझ्ड लर्निंग कॅम्प (सीएएमएएल) हे व्यापक आणि राष्ट्रीय स्तरावरील उन्हाळी शिक्षण शिबिर घेण्यात आले. मुलांनी उन्हाळी सुट्टीचा योग्य उपयोग करून वाचन करणे, शिकावे, आपले विचार तोंडी आणि लेखी स्वरूपात मांडता यावेत, तसेच मजबूत विश्लेषणात्मक व गणिती कौशल्ये आत्मसात करावीत, यासाठी शिबिर महत्त्वाचे ठरले. रायगड, पुणे आणि साताऱ्यासहित संपूर्ण महाराष्ट्रात या कार्यक्रमासाठी सुमारे ५४ हजार स्वयंसेवकांनी प्रयत्न केले. ज्यांनी मिळून वंचित समुदायांतील साडेसहा लाखांहून अधिक मुलांना शिकवले. उपक्रमाबाबत प्रमुख ईनाक्षी देवा यांनी माहिती दिली. शिक्षण मॉडेल आणि आपल्या समाजातील ज्येष्ठांकडून शिकण्याच्या सोयीमुळे निर्माण होणाऱ्या आत्मीयतेमुळे या उपक्रमाचा देशभरातील ५० लाखांहून अधिक मुलांवर सकारात्मक परिणाम झाला, त्यामुळे हा उपक्रम देशातील सर्वात मोठ्या समुदाय-आधारित उन्हाळी शिक्षण उपक्रमांपैकी एक ठरला. शिबिरासाठी विविध राज्य सरकारांच्या संस्थांशी भक्कम भागीदारी करण्यात आली.