शारदा मंदिर प्राथमिक शाळेचा अनोखा उपक्रम

शारदा मंदिर प्राथमिक शाळेत पाद्यपूजन
कल्याण, ता. १० : गुरुपौर्णिमेनिमित्त शारदा मंदिर प्राथमिक शाळेत एका वेगळ्या उपक्रमाचे आयोजन करण्यात आले. आई-वडील आपले पहिले गुरू असतात, त्यांच्याप्रती आपली कृतज्ञता व्यक्त करण्यासाठी विद्यार्थ्यांच्या पालकांचे व पालकांच्या पालकांचे पाद्यपूजन करण्यात आले. संस्काराची शिदोरी विद्यार्थ्यांना शिक्षक देत असतात, असे मौल्यवान संस्कार या शाळेतून मुलांना दिले जातात. लहान मुले अनुकरणातून शिकतात तसे आपल्या पालकांनी आपल्या आजी-आजोबांचे पूजन केले. यातून आपल्या आई-वडिलांशी असलेले प्रेमभाव, नम्रपणा, आदर विद्यार्थ्यांना पाहावयास मिळाला. या कार्यक्रमासाठी ज्येष्ठ शिक्षिका अपर्णा हर्षे, शिक्षिका वैशाली बरकडे, कल्पना चौधरी, संदीप भोईर, गजानन महाजन, वैशाली मोरे, सिंधू बांबळे, प्रभाळे, खुशी महाजन व शिक्षकेतर कर्मचारी उपस्थित होते.