पालघर हॉटेल असोसिएशनचा एक दिवसाचा बंद

पालघर (बातमीदार) : दारूवरील उत्पादन शुल्कात वाढ करण्याचा निर्णय राज्यातील सरकारने घेतला आहे. त्यामुळे परमिट रूम बार अँड रेस्टॉरंट चालक व मालकांचे नुकसान होणार आहे. या निर्णयाविरोधात उद्या सोमवारी (ता. १४) परमिट रूम बार अँड रेस्टॉरंट बंद ठेवण्याचा निर्णय पालघर हॉटेल असोसिएशनने घेतला आहे. सरकारच्या तिजोरीत लाडकी बहीण योजनेला पुरेसा निधी उपलब्ध नसल्याकारणाने आम्हा परमिट रूम बार अँड रेस्टॉरंटमधील मद्यावर ६० टक्के उत्पादन शुल्कात वाढ केल्याने चालक, मालकांना व्यवसाय करणे कठीण होणार आहे. या निर्णयाविरोधात एक दिवसाचा बंद करण्याचा निर्णय इंडियन हॉटेल अँड रेस्टॉरंट असोसिएशनच्या आव्हानानुसार बंदचा निर्णय घेतला आहे, असे पालघर हॉटेल असोसिएशनने सांगितले आहे.