मुंब्र्यातील तरुणाचा मृतदेह पारसिक रेतीबंदरात आढळला

मुंब्र्यातील तरुणाचा मृतदेह पारसिक रेतीबंदरात आढळला
कळवा, ता. १६ (बातमीदार) : पारसिक रेतीबंदर खाडीत आत्माराम पाटील गणेश घाटाजवळ ३७ वर्षीय तरुणाचा मृतदेह आढळल्याने परिसरात खळबळ उडाली आहे. हादरतअली हसन शेख (वय ३७) असे त्याचे नाव असून तो रिया अपार्टमेंट बंगालसिंग चौक, संजयनगर मुंब्रा येथील राहणारा आहे. हादरतअलीचा खाडीकिनाऱ्यावर मृतदेह तरंगत असल्याचे नागरिकांनी मुंब्रा पोलिस व अग्निशमन दलाच्या जवानांनी माहिती दिली. त्यानंतर मृतदेह बाहेर काढून कळव्यातील छत्रपती शिवाजी महाराज रुग्णालयात शवविच्छेदनसाठी पाठवण्यात आले असल्याची माहिती मुंब्रा पोलिसांनी सांगितले. या घटनेची चौकशी सुरू असल्याचे सांगण्यात आले.