दप्तर मुक्त आनंददायी शनिवार उपक्रमांतर्गत विद्यार्थ्यांनी केली भात लावणी

दप्तरमुक्त आनंददायी शनिवार उपक्रमांतर्गत विद्यार्थ्यांची भातलावणी
पालघर, ता. २१ ः नांदगावतर्फे मनोर येथे जिल्हा परिषद शाळेतील विद्यार्थ्यांसाठी दप्तरमुक्त आनंददायी शनिवार उपक्रमांतर्गत भातलावणीचे आयोजन करण्यात आले होते. उपक्रमांतर्गत नांदगावच्या सविता श्रीपत कामडी यांच्या शेतात भातलावणी करण्यात आली. भाताची पेरणी आणि रोपांच्या लागवडीबाबतची माहिती दिल्यानंतर विद्यार्थ्यांकडून भातलावणीचे प्रात्यक्षिक करून घेण्यात आले. विद्यार्थ्यांना श्रमदानाचे महत्त्व तसेच शेतीपूरक व्यवसायाबाबत जाणीव करून देण्यासह तसेच शेतकऱ्यांच्या कामांची ओळख करून देण्यासाठी उपक्रमाचे आयोजन करण्यात आल्याची माहिती शिक्षकांनी दिली. भातलावणी प्रात्यक्षिकात शाळेतील शिक्षक आणि विद्यार्थ्यांनी भाग घेतला होता.