गोविंदा पथकांच्या दहीहंडी सरावाला ठिकठिकाणी सुरुवात

गोविंदा पथकांच्या दहीहंडी सरावाला ठिकठिकाणी सुरुवात
कल्याण, ता. २४ (बातमीदार) : दहीहंडीची महाराष्ट्रात विशेषतः मुंबईत मोठी धामधूम असते. कल्याणमधील अनेक ठिकाणी गोविंदा पथकांनी सरावाला सुरुवात केली आहे. दररोज रात्रीच्या सुमारास शिस्तबद्धपणे मानवी मनोरे रचण्याचा सराव केला जात आहे, तर काही मंडळे नव्यानेच सुरुवात करीत असून, त्यांचे हे पहिलेच वर्ष आहे. १६ ऑगस्ट रोजी गोपाळकाला असून, त्या दिवशी ढाक्कूमाकूम म्हणजेच गोविंदांचा उत्साह पाहायला मिळणार आहे. एकावर एक असे सात ते आठ मानवी थर उभे करण्यासाठी साधारणपणे महिनाभर आधीपासूनच सराव करावा लागतो. कल्याण पूर्वेतील विजयनगर येथील आदर्श मित्र मंडळाने सुरक्षेची खबरदारी घेऊन खाली मॅट अंथरून त्यावर सराव करण्यास पसंती दिली.

फोटो : भरपावसात काळजीपूर्वक सराव करताना विजयनगर येथील आदर्श मित्र मंडळ