बंद घराला एसटीची धडक

अलिबाग, ता. २८ (वार्ताहर)ः पनवेलहून अलिबागकडे जाणाऱ्या बसचा ब्रेक फेल झाल्याने सागावनजीक एका बंद घराला धडकली. या अपघातात एसटी चालकाने दाखवलेल्या प्रसंगावधनामुळे मोठी दुर्घटना टळली.
पनवेलहून अलिबागकडे निघालेल्या अलिबाग एसटी आगाराच्या बसला सोमवारी (ता. २८) सकाळी अपघात झाला. बसचा ब्रेक अचानक फेल झाल्याने सागावजवळ समोर असलेल्या बंद घराला बसची जोरदार धडक लागली. या धडकेत घराचे नुकसान झाले. चालकाने सतर्कता दाखविल्याने एसटीतील प्रवासी बचावले, परंतु सागावमधील थळे यांच्या घराची भिंत कोसळली. कार्ले खिंड येथील चढणीवरून उतरणीवर येत असताना अपघात होण्याची भीती निर्माण झाली होती.