पालघर, ता. २९ (बातमीदार) : राज्यातील सर्वोकृष्ट सार्वजनिक गणेशोत्सव मंडळांना पुरस्कार देण्याचा निर्णय पर्यटन व सांस्कृतिक कार्य विभागाने घेतला आहे. यानुसार सार्वजनिक गणेशोत्सव स्पर्धाअंतर्गत पालघर जिल्ह्यातील एक उत्कृष्ट गणेशमंडळाची निवड करण्यात येणार आहे. सर्व जिल्ह्यांतील उत्कृष्ट सार्वजनिक गणेशोत्सव मंडळांतून पहिल्या क्रमांकाच्या सर्वोकृष्ट सार्वजनिक गणेशोत्सव मंडळाला पाच लाख, द्वितीय क्रमांकाला अडीच लाख आणि तृतीय क्रमांकाला एक लाखाचे पारितोषिक व प्रमाणपत्र देऊन गौरविण्यात येणार आहे. उर्वरित जिल्हास्तरीय उत्कृष्ट सार्वजनिक गणेशोत्सव मंडळांना राज्य सरकारकडून प्रत्येकी २५ हजारांचे पारितोषिक व प्रमाणपत्र देऊन गौरविण्यात येणार आहे.
या स्पर्धेत धर्मादाय आयुक्तांकडे नोंदणी केलेल्या, स्थानिक पोलिसांकडे किंवा स्थानिक स्वराज्य संस्थांची परवानगी घेतलेल्या सार्वजनिक गणेशोत्सव मंडळांना सहभागी होता येईल. या स्पर्धेत सहभागी होऊ इच्छिणाऱ्या सार्वजनिक गणेशोत्सव मंडळांनी मुंबईतील पु. ल. देशपांडे महाराष्ट्र कला अकादमी यांच्या mahotsav.plda@gmail.com या ई-मेल आयडीवर २७ ऑगस्टपर्यंत अर्ज सादर करावा. या स्पर्धेत जास्तीत जास्त सार्वजनिक गणेशोत्सव मंडळांनी सहभाग घ्यावा. स्पर्धेच्या अधिक माहितीसाठी पालघर जिल्हाधिकारी कार्यालयातील जिल्हा नियोजन समितीच्या palghargeneral२२०@gmail.com ई-मेल आयडीवर संपर्क साधावा, असे आवाहन पालघर जिल्हा नियोजन अधिकारी यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.