रोवळा येथे नैसर्गिक शेती मिशन अंतर्गत प्रशिक्षण संपन्न

रोवळा येथे नैसर्गिक शेती मिशनअंतर्गत प्रशिक्षण
तळा, ता. ३१ (प्रतिनिधी) ः तालुक्यातील रोवळा येथे डॉ. पंजाबराव देशमुख नैसर्गिक शेती मिशनअंतर्गत शेतकरी गटांचे प्रशिक्षण सोमवारी (ता. २८) उत्साहात पार पडले. प्रशिक्षणात शेतकरी गटातील शेतकऱ्यांना नैसर्गिक शेतीविषयी विविध कृषितज्ज्ञांचे सखोल मार्गदर्शन केले. हा कार्यक्रम रामचंद्र म्हातले यांच्या अध्यक्षतेखाली घेण्यात आला. या वेळी कृषी विज्ञान केंद्र बारामती येथील विषय विशेषज्ञ डॉ. संदीप कांबळे हे प्रमुख मार्गदर्शक म्हणून उपस्थित होते.
सहाय्यक कृषी अधिकारी गोविंद पाशिमे यांनी डॉ. पंजाबराव देशमुख नैसर्गिक शेती मिशन योजनेविषयी विस्तृत माहिती सांगितली. सेंद्रीय शेती प्रमाणीकरणाविषयी मार्गदर्शन केले. यानंतर मुख्य मार्गदर्शक डॉ. संदीप कांबळे यांनी शेतकऱ्यांना सेंद्रिय शेतीमधील १० ड्रम थिअरी तसेच ड्रममध्ये निविष्ठा निर्मिती करणे याबाबत मार्गदर्शन केले. या कार्यक्रमास तळा पंचायत समितीचे माजी उपसभापती गणेश वाघमारे, विषय विशेषज्ञ डॉ. संदीप कांबळे, सहाय्यक कृषी अधिकारी गोविंद पाशिमे गटामधील सदस्य मोठ्या संख्येने उपस्थित होते.