डॉ. भट नर्सिंग होमकडून जखमी गोविंदांवर होणार मोफत उपचार

डॉ. भट नर्सिंग होमकडून जखमी गोविंदांवर मोफत उपचार
रोहा, ता.२ (बातमीदार) ः दहीहंडीला उंचच उंच थरांची स्पर्धा लागते. परंतु, यावेळी अनेकदा दुर्घटना होऊन गोविंदांना दुखापती होतात. या गोविदांना तात्काळ उपचार मिळणे आवश्यक असते. यासाठी रोह्यातील डॉ.भट नर्सिंग होमकडून जखमी गोविंदांवर मोफत उपचार करण्यात येणार आहे. डॉ.अपूर्व भट यांनी म्हंटले की, कोणालाही गोविंदा सराव करताना किंवा गोकुळाष्टमी दिनी अपघात झाल्यास प्राथमिक उपचार या हॉस्पिटलमध्ये विनामूल्य करुन मिळतील. या दिवशी एक्स रेदेखील मोफत मिळतील, अशी माहिती त्यांनी दिली. डॉ.अपूर्व भट यांच्यासमवेत डॉ. तुषार राजपूत, डॉ.अभिषेक रापते, डॉ. अभिजित जोशी मेहनत घेत आहेत.