कारच्या धडकेत एकजण जखमी

खालापूर (बातमीदार)ः सीएनजी भरताना पाठीमागून कारने धडक दिल्याने एक जण जखमी झाला आहे. याप्रकरणी खालापूर पोलिस ठाण्यात गुन्हा दाखल करण्यात आला आहे.
पनवेल येथे राहणारे मोहन देशमुख खालापूर येथील पेट्रोल पंपावर सीएनजी भरण्यासाठी गेले होते. या वेळी अनियंत्रित झालेल्या एका वाहनाने त्यांना पाठीमागून जोरदार धडक दिली. या अपघातामध्ये मोहन देशमुख जखमी झाले. याबाबत खालापूर पोलिस ठाणे येथे गुन्हा दाखल करण्यात आला आहे.