लोकल प्रवासात ठाणे जिल्हा परिषदेच्या अधिकाऱ्याचा मारला पाकीट

लोकल प्रवासात ठाणे जिल्हा परिषदेच्या अधिकाऱ्याचे पाकीट चोरले
सकाळ वृत्तसेवा
ठाणे, ता. ५ : ठाणे जिल्हा परिषदेमध्ये वरिष्ठ सहाय्यक पदावर असणाऱ्या राहुल नगराळे (वय ४८) यांचे लोकल प्रवासात पाकिट मारल्याची घटना समोर आली आहे. या घटनेमध्ये त्यांच्या पाकिटामधून सात हजार रुपये आणि आधार, पॅन कार्ड, बँकेचे एटीएम, वाहन परवाना तसेच ऑफिसचे ओळखपत्र आदी कागदपत्रे चोरीला गेल्याचे तक्रारीत नमूद केले आहे.
नगराळे हे कळवा येथे राहणारे असून सोमवारी (ता. ४) सकाळच्या सुमारास बदलापूर रेल्वे स्थानकातून धीमी लोकल पकडून ठाण्यात येत होते. ठाणे स्थानकावर लोकलमधून उतरताना त्यांच्या पॅन्टच्या मागील खिशात ठेवलेले पाकीट मारल्याचे समजले. त्यानुसार त्यांनी ठाणे लोहमार्ग पोलिस ठाण्यात तक्रार नोंदवली आहे. याप्रकरणी पुढील तपास वरिष्ठ पोलीस निरीक्षक अर्चना दुसाने यांच्या मार्गदर्शनाखाली सुरू आहे