कोप्रोली येथे श्री छत्रपती शिवाजी महाराज महाराजस्व शिबीर

कोप्रोली येथे श्री छत्रपती शिवाजी महाराज महाराजस्व शिबीर
उरण, ता. ५ (वार्ताहर) ः महसूल विभागामार्फत राज्यात विशेष महसूल सप्ताह राबविण्यात येत आहे. त्याअंतर्गत सप्तसुत्री कार्यक्रम राबविला जात आहे. यामध्ये सोमवारी (ता.४) तहसील कार्यालय उरण यांच्यामार्फत मौजे कोप्रोली येथील प्राथमिक शाळा कोप्रोली येथे छत्रपती शिवाजी महाराज महाराजस्व समाधान शिबीर आयोजित करण्यात आले होते.
या शिबीरात विविध प्रकारचे दाखले, जिवंत सातबारा दुसरा टप्पा, ॲग्रीस्टॅक, संजय गांधी निराधार योजना, आयुष्यमान भारत कार्ड वितरण करण्यात आले. शेतकरी यांच्यासाठी विविध योजनांसाठी लाभ देण्यासाठी एकाच जागी सर्व तहसील कार्यायातील अधिकारी, कर्मचारी उपलब्ध होते. शासनाच्या या नाविन्यपूर्ण उपक्रमाचा लाभ कोप्रोली ग्रामस्थ आणि परिसरातील नागरिकांनी घेतला. या प्रसंगी उरण तहसीलदार, मंडळ अधिकारी के. डी. मोहिते, ग्राम महसूल अधिकारी सुभाष पवार, जयहिंद कोळी, संभाजी कुपसे, अमोल बोलाडे, निखिल वायजडे आणि ग्राम महसूल सेवक अनंत जाधव शेतकरी नागरिक उपस्थित होते.