बेस्टचे खासगीकरण थांबवा

बेस्टचे खासगीकरण थांबवा
मालाड, ता. ९ (बातमीदार) ः बेस्टचे खासगीकरण थांबवून सार्वजनिक वाहतूक सेवा म्हणून पुनर्गठित करा व बेस्ट संबंधित इतर विविध मागण्यांसाठी विविध सामाजिक संघटनांनी ‘आमची मुंबई, आमची बस’ या अभियानांतर्गत मुंबईतील २० ठिकाणी जनजागृती कार्यक्रम राबवले. याच अभियानांतर्गत बोरिवली पश्चिम परिसरात मूलभूत अधिकार संघर्ष समिती व ह्युमनिस्ट सेंटर या संघटनांच्या वतीने जनजागृती मोहीम राबवून स्थानिक नागरिकांशी संवाद साधला. त्यांना माहितीपत्रके देण्यात आली. त्यानंतर शिष्टमंडळाने बेस्टच्या गोराई व मागाठाणे डेपोला भेट देऊन डेपो व्यवस्थापकांशी चर्चा करून त्यांना विविध मागण्यांचे निवेदन दिले. माजी नगरसेविका शीतल म्हात्रे, जनता दल (सेक्युलर) मुंबई अध्यक्ष प्रभाकर नारकर तसेच दिनेश राणे, शरथ सॅलियन, रमेश बोरीचा, संजय पावसकर, जगनारायण, कुलीन रायचुरा, नॉरीन, प्रकाश जानवलकर, कॅसेंड्रा वेगास, ग्लेंडा अल्मेडा, डॉ विकास निकम, बिंटूस सोरस व अन्य कार्यकर्ते यात सहभागी झाले होते.