स्तनपानाविषयी जागरूकता वाढवणे ही काळाची गरज

स्तनपानाविषयी जागरूकता वाढवणे ही काळाची गरज
प्रभादेवी, ता. ९ (बातमीदार) : स्तनपानाविषयी जागरूकता वाढवणे ही काळाची गरज आहे, असे मत सुप्रसिद्ध फॅशन डिझायनर, उद्योजिका मसाबा गुप्ता यांनी व्यक्त केले. नव्या पिढीतील मातांसाठी स्तनपानातील आव्हाने, त्यावर उपाय आणि मातृत्व अधिक सुलभ करणारी साधने याचे महत्त्व त्‍यांनी विशद केले.
जागतिक स्तनपान सप्ताहानिमित्त सीमोन खंबाट्टा यांच्या वतीने वरळी येथे आयोजित परिसंवादात मसाबा गुप्ता यांनी आपले अनुभव सांगितले. आई झाल्यानंतर स्वतःची काळजी घेणे, वेळ देणे व आराम करणे आवश्‍यक आहे, असे त्‍या म्‍हणाल्‍या. त्यांच्या हस्ते नवमातांसाठी सुरक्षित, आरामदायी आणि आरोग्‍यपूर्ण, उपयुक्त अशा अत्याधुनिक फिलिप्स अव्हेंट ब्रेस्ट पंपाचे अनावरण करण्यात आले.