हुतात्‍मा स्‍मारकाचे ऐतिहासीक महत्त टिकले पाहिते

हुतात्‍मा स्‍मारकाचे ऐतिहासीक महत्त टिकले पाहिते
आमदार सचिन अहिर यांचे प्रतिपादन
शिवडी, ता. ९ (बातमीदार)
स्‍वातंत्र्यलढ्यातील स्वातंत्र्यवीरांच्या स्मृती कायम राहाव्यात, यासाठी गवालिया टॅंक मैदानावर उभे करण्यात आलेले हुतात्मा स्मारक आजच्या तरुणांचे प्रेरणास्थान आहे, परंतु त्याचे ऐतिहासिक महत्त्व कायम राहिले पाहिजे, असे प्रतिपादन राष्ट्रीय मिल मंजूर संघाचे अध्यक्ष आमदार सचिन अहिर यांनी काढले.
ऑगस्‍ट क्रांतिदिनानिमित्त शनिवारी (ता. ९) राष्ट्रीय मिल‌‌ मजदूर संघ, गिरणी कामगार संयुक्त लढा समिती‌ आणि महाराष्ट्र राज्य राष्ट्रीय कामगार संघ, राष्‍ट्रीय मिल मजदूर संघ सेवा दल विभाग यांच्या संयुक्त विद्यमाने कामगारांची रॅली आयोजित करण्यात आली होती. या वेळी ते बोलत होते.
राष्ट्रीय मिल मजूर संघ गेली ३४ वर्षे राष्ट्रीय भावनेने हा अभिवादनाचा सोहळा आयोजित करीत आहे, असे सांगून आमदार सचिन अहिर म्हणाले की, कामगारांचा असेल किंवा सामाजिक प्रश्न असेल, तर सरकार निर्णय घेण्यास अकारण वेळ लावत‌ आहे, अशी खंत त्‍यांनी व्यक्‍त केली.
गिरणी कामगारांची अभिवादन रॅली नाना चौक, अग्निशमन केंद्र येथून गवालिया टॅंक मैदानापर्यंत पार पडली. या रॅलीचे नेतृत्त्व अध्यक्ष आणि संयुक्त लढा समितीचे प्रमुख आमदार सचिन अहिर, संघटनेचे सरचिटणीस गोविंदराव मोहिते यांनी‌ केले. खजिनदार निवृत्ती देसाई, उपाध्यक्ष अण्णा शिरसेकर, उपाध्यक्ष बजरंग चव्हाण आणि इतर मान्यवर उपस्‍थित होते. उपस्‍थितांनी हुतात्मा स्मारकाला पुष्पचक्र वाहून स्वातंत्र्यलढ्यातील योद्ध्यांना अभिवादन केले.