स्पीकर मध्ये गेलेल्या भारतीय नाग जातीय सापाला सर्पमित्राने दिले जीवदान

स्पीकरमध्ये गेलेल्या नागला सर्पमित्राकडून जीवदान
नेरूळ, ता.११ (बातमीदार)ः बेलापूरमध्ये नाग स्पीकरमध्ये गेल्याची माहिती पुनर्वसू फाउंडेशन संस्थेला मिळाली होती. यानुसार संस्थेचे सर्पमित्र अष्टविनायक मोरे यांनी नागाची सुटका करत त्याला जीवदान दिले आहे.
बेलापूर सेक्टर- ९ येथील लेन नंबर पाचमधील वस्ती येथे रविवारी (ता. १०) एक नाग स्पीकरमध्ये असल्याची माहिती नागरिकांनी फोनवरून दिली. घटनेची माहिती मिळताच अष्टविनायक मोरे आणि माधव गायकवाड यांनी घटनास्थळी धाव घेतली. यावेळी विषारी जातीचा नाग हा स्पीकरमध्ये अडकला आहे. स्पीकरचे बीळ लहान असल्या कारणाने नागाला बाहेर येत नव्हते. अष्टविनायक मोरे आणि माधव गायकवाड यांनी मध्यभागी असलेला स्पीकर काढला असता त्यात नाग आढळून आला. माधव गायकवाड व अष्टविनायक मोरे यांनी नागला बाहेर काढत सुखरूपरित्या नैसर्गिक आधिवासात सोडले. यामुळे तेथील नागरिकांनी सुटकेचा निःश्वास सोडला.