मराठी कलावंतांच्या उपस्थितीत रंगला क्षितिजोत्सव

विरार, ता. १२ (बातमीदार) : ‘गोविंदा आला रे आला‘, ‘शोर मच गया शोर‘ गाण्याच्या तालावर आणि मराठी कलावंतांच्या उपस्थितीत क्षितिजोत्सव दहीहंडी प्रीमिअर लीग सोमवारी (ता. ११) रात्रीपर्यंत रंगली. क्षितिजोत्सव दहीहंडी प्रीमिअर लीगमध्ये पालघर जिल्ह्यातील वेगवेगळ्या ठिकाणची दहीहंडी पथके विरार येथील नवीन विवा महाविद्यालयात अंतिम फेरीसाठी जमली होती. या ठिकाणी ५० संघांनी सहभाग नोंदवला होता. यामधून अंतिम फेरीत गेलेल्या दहीहंडी पथकांचा थरार या ठिकाणी पाहण्यास मिळाला. या दहीहंडी प्रीमिअर लीगला सिने कलावंतांची उपस्थिती होती.

दहीहंडी म्हटले की तरुणाईचा जोश पाहण्यास मिळतो. दहीहंडी असोसिएशनने गेल्या वर्षी पालघर जिल्ह्यातील गोविंदा पथकांची स्पर्धा घेतली होती. त्याचप्रमाणे यावर्षी ही स्पर्धा विवा महाविद्यालयात पार पडली. पहिल्या फेरीत ५० संघांनी सहभाग घेतला होता. त्यातून अंतिम फेरीसाठी बी ६ संघ निवडण्यात आले होते. मध्यरात्रीपर्यंत रंगलेल्या या प्रीमिअर लीगचा अंतिम विजेता फुलपाडा पावर हा संघ ठरला आहे. त्यांना पाच लाखांचे, तर दुसरे बक्षिसे जूचंद्र नायगाव रॉयल संघाने जिंकले. त्यांना तीन लाख रुपये, तर तिसरे बक्षीस नारंगी फलकाव यांना दोन लाख आणि निलेगाव वॉरियर्स यांना एक लाख रुपये बक्षीस देण्यात आले. महिलांच्या स्पर्धेत निकीस दुर्गा प्रथम आले. त्यांना ५० हजारांचे, तर निक्कीस निरबाज नारी या संघाला २५ हजार देत उपविजेता ठरला.

प्रीमिअर लीगला कलाकारांची उपस्थिती
या दहीहंडी लीगला मराठी कलाकारांनी उपस्थिती लावून दहीहंडी पथकांचा उत्साह वाढविला. यात अभिनेता समीर चौघुले, अरुण कदम, रसिका वेंगुर्लेकर, जानवी किल्लेकर यांचा समावेश होता.