पवई मराठी माध्यमिक शाळेत ध्वजावंदन कार्यक्रम मोठ्या उत्साहात

पवई मराठी माध्यमिक शाळेत ध्वजावंदन कार्यक्रम उत्साहात
शिवडी, ता. १६ (बातमीदार) ः भूषण प्रतिष्ठाणच्या सहकार्यातून पवई मराठी माध्यमिक शाळेत शुक्रवारी (ता. १५) स्वातंत्र्यदिनानिमित्त ध्वजावंदन कार्यक्रम उत्साहात पार पडला. यावेळी विद्यार्थ्यांनी देशभक्तीपर गीते गायली, देशाप्रती आपली भावना व्यक्त करत एक सुजाण नागरिक बनण्याची शपथ घेतली. दरम्यान, प्रमुख पाहुणे म्हणून कार्यक्रमाला उपस्थित असलेले डॉ. बिपीन बोढारे आणि डॉ. मालती बोढारे या दाम्पत्यांनी मुलगी शिकली प्रगती झाली या प्रेरणेतून शाळेतील मुलीला दत्तक घेत तिचा संपूर्ण वर्षाचा शिक्षणाचा खर्च उचलून प्रेरणादायी उदाहरण निर्माण केले. तर, भूषण प्रतिष्ठानचे संस्थापक-अध्यक्ष भूषण पवार यांनी विद्यार्थ्यांना मार्गदर्शन केले आणि व्यसनमुक्तीचा सल्ला दिला. यावेळी शाळेच्या विश्वस्त प्रभावती पिल्ले, मुख्याध्यापिका शिवानी कर्पे, शाळेतील शिक्षक आणि कर्मचारी वर्ग उपस्थित होते.