वारकरी भवन निवडणूक आयोगाच्या ताब्यात

वारकरी भवन निवडणूक आयोगाच्या ताब्यात

Published on

वारकरी भवन निवडणूक आयोगाच्या ताब्यात
सार्वजनिक वापरासाठी सभागृह आणि भवन बंद
तुर्भे, ता. १८ (बातमीदार) ः निवडणूक आयोगाने मतदान प्रक्रिया राबविण्यासाठी बेलापूरमधील महापालिकेच्या वारकरी भवन इमारतीचा ताबा आताच घेतला आहे. यामुळे इमारतीमध्ये नागरिकांची सभागृह नोंदणी ऐनवेळी रद्द करण्यात आली आहे. त्यामुळे सभागृहाचे बुकिंग केलेल्या नागरिकांना आता इतर ठिकाणी धावाधाव करावी लागत आहे.
बेलापूरमध्ये महापालिकेच्या वतीने वारकरी भवनाची इमारत उभारण्यात आली आहे. या इमारतीमध्ये असलेले सभागृह धार्मिक, सामाजिक वैयक्तिक कामांसाठी भाड्याने दिले जाते. त्यानुसार येथे आगाऊ बुकिंग केले जाते. यावेळीही काहींनी या सभागृहाचे बुकिंग केले आहे, मात्र आठवड्यापूर्वीच निवडणूक आयोगाने मतदान प्रक्रियेच्या कामासाठी हे वारकरी भवन ताब्यात घेतले आहे. ऐन वेळी बुकिंग रद्द झाल्याने दुसरी जागा शोधणे कठीण होत असल्याचे नागरिक सांगत आहेत, मात्र निवडणूक आयोगाच्या पुढे काही चालत नसल्याने दुसरी जागा शोधावी लागत असल्याचे त्यांनी सांगितले.

पत्रे लावून भवन संरक्षित
निवडणूक प्रक्रिया या भवनातूनच राबवली जाणार असून, ईव्हीएम मशीन इथेच ठेवली जाणार आहे. त्या अनुषंगाने सार्वजनिक वापरासाठी सभागृह आणि भवन बंद करण्यात आले आहे. भवनाभोवती पत्रे लावून ते संरक्षित करण्यात आले आहे. त्यामुळे या भवनातील सभागृहाचे बुकिंग केलेल्या नागरिकांना आता दुसरी जागा शोधावी लागत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com