मराठा आरक्षणासाठी द इंडियन क्रिश्चियन एशोसिएशन''ने जरांगे पाटील यांना दिले समर्थन....

द इंडियन क्रिश्चियन असोसिएशनचे जरांगेंना समर्थन
कल्याण, ता. ३० (वार्ताहर) : मराठा समाजाला आरक्षण मिळावे, या मागणीला द इंडियन क्रिश्चियन असोसिएशनने मराठा समाजाचे नेते मनोज जरांगे पाटील यांना पाठिंबा दिल्याचे पत्र देत या आरक्षणाला समर्थन दिले आहे. याबाबतची माहिती कल्याणातील द इंडियन क्रिश्चियन असोसिएशनचे संस्थापक-अध्यक्ष नोवेल साळवे यांनी कल्याणात दिली.
नोव्हेल साळवे म्हणाले, की महाराष्ट्रातील मराठा समाजासाठी आंदोलन करणारे जरांगे पाटील कायदेशीर आरक्षणाची मागणी करीत असतील तर सरकारने त्याचा विचार करून आरक्षण द्यावे. साळवे यांनी राज्य आणि केंद्र सरकारच्या धोरणांवर प्रश्न उपस्थित केला. एकेकाळी जरांगे पाटील यांच्या आंदोलनामुळे राज्य सरकार अडचणीत आले होते; परंतु त्यांचे काम पूर्ण करण्यासाठी सरकारने जरांगे पाटील यांची फसवणूक केली. संपूर्ण ख्रिश्चन समुदाय आरक्षणासाठी आंदोलन करणाऱ्या सकल मराठा समाजाचे संस्थापक जरांगे पाटील यांना पाठिंबा देत असल्याचे सांगितले.