स्ट्रीट लाईट पोलला वाहनाची धडक

स्ट्रीट लाइट पोलला वाहनाची धडक
धोकादायक स्थितीतील पोल हटवला
सकाळ वृत्तसेवा
ठाणे, ता. १ : घोडबंदर रोडवरील नागला बंदरकडून गायमुखकडे जाणाऱ्या सेवा रस्त्यावरील पथदिव्याला एका अनोळखी वाहनाने धडक दिली. ही घटना सोमवारी सकाळी साडेनऊ ते पावणेदहा वाजण्याच्या सुमारास समोर आली. दरम्यान, वाहनाच्या धडकेने हा पथदिव्याचा पोल पूर्णपणे वाकल्याने धोकादायक बनला होता. याबाबत नागरिकांनी पालिकेकडे तक्रार केली होती. यानंतर ठाणे महापालिका आपत्ती व्यवस्थापन कक्षाचे कर्मचारी आणि विद्युत विभागाच्या कर्मचाऱ्यांनी घटनास्थळी धाव घेत तो पोल सुरक्षितेच्या दृष्टीने तातडीने हटविला.