अल्पवयीन मुलीवर बलात्कार आरोप प्रकरणात सहा वर्षानंतर तरुणाची जेलमधून सुटका

‘त्या’ प्रकरणी सहा वर्षांनंतर तरुणाची जेलमधून सुटका
कल्याण, ता. १ (वार्ताहर) : सहावर्षीय अल्पवयीन मुलीवर बलात्कार केल्याचा आरोप तरुणावर झाला होता. पोलिसांनी त्याला अटक केली. जवळपास सहा वर्षे तरुण तुरुंगात होता. अखेर या प्रकरणात कोणत्याही प्रकारचा साक्षी पुरावा नसल्याने अल्ताफ खान या तरुणाची कल्याण न्यायालयाने निर्दोष मुक्तता केली आहे.
लिफ्ट टेक्निशियन असलेल्या या तरुणाला सहा वर्षे तुरुंगात काढावी लागली. शेजारी राहणाऱ्या महिलेसोबत घरभाड्यावरून वाद सुरू होता. या वादाचा राग काढण्यासाठी ही तक्रार दाखल केल्याचे अल्ताफचे वकील गणेश घोलप यांनी सांगितले. या प्रकरणामुळे एका तरुणाच्या जीवनातील सहा वर्षे वाया गेली असून, तुरुंगात त्याला यातना भोगाव्या लागल्या. आता सहा वर्षांनंतर अल्ताफ हा जेलमधून बाहेर आला आहे.