महामार्गावर महिलेला चिरडले

कासा (बातमीदार) : मुंबई-अहमदाबाद महामार्गावर सोमवारी (ता. १) रात्री १० वाजण्याच्या सुमारास एका महिलेला अज्ञात वाहनाने धडक देत अपघात केला. वाहनाच्या धडकेने महिला महामार्गावर पडली असून तिच्या अंगावरून अनेक वाहने गेल्यामुळे महिलेचा चिरडून मृत्यू झाला आहे. महामार्गावर चारोटी हद्दीत बसवत पाड्यासमोर मुंबई वाहिनीवर पायी चालत जाणाऱ्या महिलेचा अपघातात मृत्यू झाला. मृतदेह वाहनांनी चिरडल्यामुळे ओळख पटवणे कठीण झाले आहे. कासा पोलिस घटनास्थळी दाखल झाले असून महिलेचा मृतदेह कासा उपजिल्हा रुग्णालयात पाठवण्यात आला आहे. महिलेची ओळख पटवण्याचा प्रयत्न सुरू असून पुढील तपास कासा पोलिस करीत आहेत.