लोकल प्रवासात नवरा-बायको यांचे मोबाईल चोरले

लोकल प्रवासात पती-पत्नीचे मोबाईल चोरीला
सकाळ वृत्तसेवा
ठाणे, ता. ९ : मेव्हणीला मुंबई एअरपोर्ट येथे सोडण्यासाठी लोकलने निघालेल्या नवी मुंबईच्या घणसोलीतील घोष या दाम्पत्याला चांगलेच महागात पडले आहे. लोकल प्रवासात दोघांचे मोबाईल चोरीला गेले असून त्यांची किंमत ९० हजार असल्याचे तक्रारीत म्हटले आहे.

घणसोली येथे राहणारे तक्रारदार अर्जित कुमार घोष (३४) हे त्यांची मेव्हणीला मुंबई एअरपोर्ट येथे सोडण्यासाठी पत्नीसह रविवारी (ता. ७) दुपारी साडेचारच्या सुमारास घरून निघाले. घणसोली ते ठाणे असा लोकलने प्रवास करून ते ठाणे रेल्वेस्थानकातील फलाट क्रमांक नऊ आणि १० वर उतरले. तेथून ते फलाट क्रमांक चारवर आले. त्या वेळी त्यांनी त्यांच्यासह पत्नीचा मोबाईल खिशात ठेवला होता. पावणेपाच वाजण्याच्या सुमारास आलेल्या लोकलमध्ये ते तिघे चढले. डब्यात पोहोचल्यावर खिशात ठेवलेले मोबाईल पाहिले असता ते मिळून आले नाही. अनोळखी व्यक्तीने गर्दीत चढताना ५० हजार आणि ४० हजार असे ९० हजारांचे दोन मोबाईल चोरून नेले. त्यानंतर मेव्हणीला मुंबई एअरपोर्ट येथे सोडून आल्यावर रात्री उशिरा त्यांनी याप्रकरणी दिलेल्या तक्रारीनुसार सोमवारी (ता. ८) गुन्हा दाखल केला. पुढील तपास वरिष्ठ पोलिस निरीक्षक अर्चना दुसाने यांच्या मार्गदर्शनाखाली सुरू आहे.