शिक्षक राजाराम गायकर यांना आदर्श शिक्षक पुरस्कार

टोकावडे, ता. ९ (बातमीदार) : मुरबाड तालुक्यातील वांजळे जिल्हा परिषद शाळेतील उपक्रमशील शिक्षक राजाराम गायकर यांना आदर्श शिक्षक पुरस्काराने सन्मानित करण्यात आले. शैक्षणिक व सामाजिक क्षेत्रात केलेल्या उल्लेखनीय योगदानाबद्दल ठाणे जिल्हा परिषदेच्या वतीने त्यांना २०२५साठी जिल्हा आदर्श शिक्षक पुरस्कार प्रदान करण्यात आला. गायकर यांनी विद्यार्थ्यांच्या सर्वांगीण विकासासाठी अनेक उपक्रम राबवले आहे. डिजिटल शिक्षण, क्रीडा, पर्यावरण संवर्धन यांसह गुणवत्तापूर्ण शिक्षणासाठी सतत प्रयत्न केले आहेत. त्यांच्या कार्यामुळे शाळेचा शैक्षणिक गुणवत्ता निर्देशांक उंचावला आहे. परिसरातील पालक व विद्यार्थ्यांमध्ये शाळेचा दर्जा वाढला आहे. जिल्हा परिषद माजी उपाध्यक्ष सुभाष पवार यांनी त्यांचे अभिनंदन करून शुभेच्छा दिल्या.