पत्कार मारहाण प्रकरण, मुख्यमंत्र्यांनी दिले चौकशीचे आदेश

पत्रकार मारहाणीचे चौकशीचे आदेश

मुंबई, ता. ९ : गणेश विसर्जनाचे वार्तांकन करताना वाहन पार्किंगवरून साम टीव्हीचे प्रतिनिधी विकास मिरगणे यांना सहाय्यक पोलिस निरीक्षक शांताराम नाईक यांनी कानशिलात लगावली होती. याप्रकरणी चौकशी करून कारवाई करण्याचे आदेश मुख्यमंत्री देवेंद्र फडणवीस यांनी आज मंगळवारी (ता. ९) दिले. टीव्हीजे या संघटनेच्या शिष्टमंडळाने मारहाण करणाऱ्या पोलिस अधिकाऱ्यावर कारवाई करण्यासाठी मुख्यमंत्री फडणवीस यांची भेट घेेऊन निवेदन दिले होते. या घटनेचा मुंबई मराठी पत्रकार संघ, टीव्हीजे, मुंबई प्रेस क्लब, महाराष्ट्र राज्य पत्रकार संघ, मुंबई, विधिमंडळ वार्ताहर संघ, पत्रकार हल्ला कृती समितीसह राज्यातील सर्व पत्रकार संघटनांनी निषेध केला.