कल्याणमध्ये ध्यानकेंद्राचे लोकार्पण

कल्याणमध्ये ध्यानकेंद्राचे लोकार्पण
कल्याण, ता. ११ (वार्ताहर) : कल्याणमधील सिटी पार्क येथे इनरव्हील क्लब ऑफ कल्याणतर्फे शहरातील नागरिकांसाठी शांततामय व स्वास्थ्यदायी उपक्रमाचे मंगळवारी (ता. ९) लोकार्पण केले. सिटी पार्क येथे ध्यानकेंद्र व वाचनालयाचे उद्घाटन केले असून ही जागा सर्वसामान्यांसाठी सकाळी आणि सायंकाळी उपलब्ध राहणार आहे. या केंद्राचा उद्देश नागरिकांना दैनंदिन तणावातून मुक्त होण्यासाठी ध्यानसाधनेची संधी उपलब्ध करून देणे, तसेच वाचनाद्वारे ज्ञानवृद्धी घडविणे हा आहे. या ठिकाणी नागरिकांना त्यांच्या सोयीने ध्यानसत्रे घेता येतील, तसेच वाचनालयात विविध विषयांवरील पुस्तके वाचनासाठी उपलब्ध करून दिली आहेत.
इनरव्हील क्लब ऑफ कल्याणच्या गतवर्षीच्या अध्यक्षा डॉ. अर्चना सोमाणी यांना कल्याण परिसरात सुशोभीकरणासहित लोकोपयोगी उपक्रम करण्याविषयी तळमळ होती. त्यांच्या कारकिर्दीत या ध्यानकेंद्र बांधणीचे कामकाज सुरू झाले होते. आयुक्त अभिनव गोयल, विशेष अतिथी शहर अभियंता अनिता परदेशी, उपायुक्त संजय जाधव, सिटी पार्क व्यवस्थापक विजय इंगळे, इनरव्हील व रोटरी सदस्य यांच्या उपस्थितीत लोकार्पण सोहळा पार पडला.