कॉ. पाटील यांच्या निधनाने कामगार चळवळीचे मोठे नुकसान – डॉ. गोऱ्हे

कॉ. पाटील यांच्या निधनाने कामगार चळवळीचे मोठे नुकसान : डॉ. गोऱ्हे

मुंबई, ता. ११ : भारतीय कम्युनिस्ट पक्षाचे ज्येष्ठ नेते, असंघटित क्षेत्रातील प्रखर कामगार नेते, सर्व श्रमिक संघ व अनेक संघटनांचे प्रणेते कॉ. मारुती आबा पाटील (एम. ए. पाटील) यांच्या निधनाने कामगार चळवळीचे मोठे नुकसान झाल्याचे मत विधान परिषदेच्या उपसभापती डॉ. नीलम गोऱ्हे यांनी व्यक्त केले.
कॉ. पाटील यांनी आयुष्यभर असंघटित कामगार, अंगणवाडी व आशा कर्मचारी, सफाई कामगार, बांधकाम विभागातील कर्मचारी अशा तळागाळातील श्रमिकांसाठी प्रखर लढा दिला. त्यांनी स्त्री आधार केंद्रास नेहमीच सहकार्य दिले. तसेच मीही आमदार व उपसभापती या नात्याने संघटित चळवळीचे सामर्थ्य वाढवून कामगारांना न्याय मिळवून देण्यात सहकार्य  केले होते, असेही डॉ. गोऱ्हे यांनी आठवणींना उजाळा देताना नमूद केले.
---------------------