देवन्हावेमधील गंभीर परप्रांतीयाचा मृत्यू

देवन्हावेमधील गंभीर परप्रांतीयाचा मृत्यू
हल्लेखोर फरार; खुनाचा गुन्हा दाखल
खालापूर, ता. १३ (बातमीदार) : तालुक्यातील देवन्हावे गावाच्या हद्दीत राहणारा मूळचा बिहार येथील पारस हरिहर सिंग (वय ५०) याचा किरकोळ वादातून गुरुवारी (ता. ११) खून झाला होता. त्याचा खून करणारा शेजारी अख्तर हबीद हा घटनेपासून फरार झाला आहे. खोपोली पोलिसांनी या प्रकरणाची माहिती दिल्यानुसार पारस आणि अख्तर पत्र्याच्या शेडमध्ये राहत होते. ११ सप्टेंबर रोजी रात्री एक वाजता दोघांमध्ये वाद झाला, आणि हा वाद विकोपाला गेल्याने अख्तर याने पारस याच्या डोक्यावर प्रहार केला. यामध्ये तो गंभीर जखमी झाल्याने रक्तस्राव होवून पारसचा मृत्यू झाला.
पारसवर हल्ला झाल्यानंतर त्याला खोपोलीच्या नगरपालिका रूग्णालयात दाखल करण्यात आले होतेस, मात्र डॉक्टरांनी त्याला मृत घोषित केले. या घटनेनंतर अख्तर फरार असून पोलिस त्याचा शोध घेत आहेत. या प्रकरणी खोपोली पोलिसात गुन्हा दाखल करण्यात आला असून अधिक तपास सहायक पोलिस निरीक्षक सुजित गडदे करीत आहेत.