भिवंडीत इमारतीच्या दहाव्या मजल्याला आग

भिवंडीत इमारतीच्या दहाव्या मजल्याला आग
भिवंडी, ता. १४ (वार्ताहर) : शहरातील अंजुरफाटा ओसवाल वाडी परिसरात असलेल्या अंतरिक्ष या सोसायटीच्या दहाव्या मजल्यावरील एका सदनिकेला आग लागण्याची घटना घडली आहे. या सदनिकेमधून मोठ्या प्रमाणावर धुराचे मोठे लोट बाहेर पडत होते. या घटनेची माहिती मिळताच अग्निशामक दलाच्या पथकाने घटनास्थळी धाव घेत एक तासाच्या प्रयत्नाने ही आग आटोक्यात आणली.
दरम्यान, या आगीची माहिती मिळताच संपूर्ण इमारतीमधील रहिवासी इमारतीखाली जमा झाले. ही आग नेमकी कशामुळे लागली, याचे कारण अस्पष्ट असून या घटनेत कोणतीही जीवितहानी झाली नाही; मात्र सदनिकेमधील साहित्य जळून खाक झाले आहे.