मुलुंडमध्ये जीवितपुत्रिका व्रत पूजन

मुलुंडमध्ये जीवितपुत्रिका व्रत पूजन
मुलुंड, ता. १५ (बातमीदार) ः युवा ब्रिगेड असोसिएशनचे अध्यक्ष डॉ. सचिन सिंह यांच्या मार्गदर्शनाखाली मुलुंड पश्चिमेतील दिवंगत शेठ रामकृपाल सिंह यांच्या प्रांगणात सलग ५०व्या वर्षी जीवितपुत्रिका व्रत पूजन समारंभ रविवारी (ता. १४) पार पडला. शेकडो महिलांनी निर्जल उपवास केला आणि त्यांच्या पुत्रांच्या दीर्घायुष्यासाठी, त्यांचा त्रास आणि आजारांपासून मुक्त आरोग्यासाठी देवीची पूजा केली. कार्यक्रमाची सुरुवात करणाऱ्या ९० वर्षीय महिला बबना देवी सिंह यांनी सर्व भाविकांना आशीर्वाद दिले. जयबाला सिंह, बासमती सिंह, आरती सिंह, साधना सिंह, विभा सिंह, अनिता सिंह, हेमलता सिंह, उर्वशी सिंह, नीतू सिंह यांनी सर्वांचे स्वागत केले. या वेळी ज्येष्ठ समाजसेवक डॉ. बाबूलाल सिंग, श्रीराम सिंग, महानंद सिंग, राकेश मिश्रा, दयाशंकर पाल, रमेश सिंग, मोहित सिंग, विनोद सिंग, भोला सिंग, नवीन सिंग, रवि बरनवाल आदी उपस्‍थित होते.