पावणेमध्ये दोघांवर जीवघेणा हल्ला

नवी मुंबई, ता. १६ (वार्ताहर) : दारूच्या टेबलवरून झालेल्या किरकोळ वादाचे रूपांतर हाणामारीत झाल्याची घटना पावणे एमआयडीसीमध्ये घडली. या घटनेत दोन जण गंभीर जखमी झाले असून त्यांच्यावर उपचार सुरू आहेत.

पावणे एमआयडीसीतील माय कार शोरूममध्ये काम करणारे प्रकाश पारठे (५२), संदीप विर (३५) सहकाऱ्यासह बारमध्ये दारू पिण्यास गेले होते. मात्र, जागा नसल्याने आरोपी शंभुदास सूरजदास (३४) हा देखील त्यांच्या टेबलावर बसला होता. पारठे व विर यांच्यातील गप्पांच्या दरम्यान शंभुदासने हस्तक्षेप केल्याने त्यांच्यामध्ये वाद झाला.त्यामुळे संतापलेल्या शंभुदासने कंपनीतील भाऊ कैलाशदास सुरजदासला (२५) बोलावले. दोघांनी पारठे व विर यांना अडवताना मारहाण केली.