गावदेवी सेवा संघ परिसरात नाल्याची भिंत कोसळली

गावदेवी सेवा संघ परिसरात नाल्याची भिंत कोसळली
घाटकोपर, ता. १६ (बातमीदार) ः गावदेवी सेवा संघ परिसरात आज (ता. १६) नाल्याची भिंत कोसळण्याची घटना घडली. सकाळपासून मुंबईत पावसाची रिपरिप सुरू असताना सकाळी नऊच्या सुमारास नाल्यावरील ही छोटी भिंत कोसळली.
नाल्यात भिंत पडल्याने पाणी वाहून जाण्यासाठी मार्ग नव्हता. नाल्यातील पाणी थेट रस्त्यावरून वाहू लागल्याने स्थानिक मनसेचे कार्यकर्ते गणेश पवार, चेतन भाटकर यांनी रहिवाशांच्या तक्रारीवरून संबंधित ठिकाणी पाहणी केली. या वेळी नाल्यात पडलेले दगड राडारोडा तात्काळ बाहेर काढून पाण्याचा प्रवाह सुरळीत होण्यासाठी आवश्यक व्यवस्था केल्याचे चेतन भाटकर यांनी सांगितले.