स्त्रीवादी चळवळीला हवी नवी दिशा

स्त्रीवादी चळवळीला हवी नवी दिशा
ठाणे, ता. १६: स्त्रीवादी चळवळीला ५० वर्षे पूर्ण होत असताना आजही विषमता, अत्याचार, शोषण सारख्या समस्या कायम आहेत. बदलत्या काळानुरुप पुरुषसत्ताक व्यवस्थेची चौकट मोडण्यासाठी स्त्रीवादी चळवळीला नवी दिशा देण्याची गरज आहे. त्यासाठी प्रेरणादायी साहित्य निर्मिती झाली पाहिजे असे मंथन महाराष्ट्र स्त्री मुक्ती परिषदेच्या साहित्य संमेलनात मान्यवरांनी केले. आताच्या काळात तर जुन्या, ठराविक साच्यातल्या प्रतिमांना लोकप्रिय करून विचारशक्ती बधिर करण्याचा राजकीय डाव उघडपणे सुरू असल्याचे ठाम मत त्यांनी व्यक्त केले. तसेच आज ज्या प्रकारे स्त्रीवाद समजला जात आहे, तो ढोंगी साच्यात अडकलेला असल्याचे फटकारेही त्यांनी मारले. ज्येष्ठ कवयित्री उषाकिरण यांनीही हा धागा धरत महिलांसाठी सुरक्षेचा कायदा आणला पाहिजे अशी मागणी केली.